ADAU ilə Ankara Universiteti arasında əməkdaşlıq müqaviləsi imzalandı

Azərbaycan Dövlət Aqrar Universiteti (ADAU) ilə Anakara Universiteti arasında əməkdaşlıq müqaviləsinin və Mövlanə Mübadilə Proqramının imzalanma mərasimi keçirilib.

Publika.az xəbər verir ki, sənədləri ADAU-nun rektoru, AMEA-nın üzvü, professor İbrahim Cəfərov və Ankara Universitetinin rektoru, professor, doktor Necdet Ünüvar imzalayıblar. İmzalanma mərasimindən əvvəl çıxış edən rektorlar və hər iki ali təhsil müəssisəsinin nümayəndələri əməkdaşlıq müqaviləsinin və Mövlanə Mübadilə Proqramının baytarlıq sahəsində mütəxəssis hazırlığına, ikili diplom proqramının icrasına və birgə elmi-tədqiqat işlərinin yerinə yetirilməsinə, müəllim və tələbələrin mübadiləsinə töhfə verəcəyini bildiriblər.

Türkiyə Cümhuriyyətinin ilk ali təhsil müəssisəsi olan Ankara Universiteti 1946-cı ildə yaradılıb, hazırda burada 70 mindən çox tələbə təhsil alır. Çoxprofilli mütəxəssis hazırlayan bu universitetdə digər fakültələrlə yanaşı Aqronomluq və Baytarlıq fakültələri də fəaliyyət göstərir.

Qeyd edək ki, Ankara Universitetinini rektoru, professor, doktor Necdet Ünüvar Azərbaycan Respublikası Prezidentinin 2020-ci il 4 iyun tarixli Sərəncamı ilə Azərbaycan Respublikası ilə Türkiyə Cümhuriyyəti arasında dostluq və əməkdaşlıq əlaqələrinin inkişafında xüsusi xidmətlərinə görə “Dostluq” ordeni ilə təltif edilib.