Rusiyada qorxu: Rublun çöküşü an məsələsidir

Dolların məzənnəsinin ilin sonuna kimi 110 rublu keçəcəyi apokaliptik ssenari (dünyanın sonu ilə bağlı böyük və fəlakətli bir hadisənin baş verəcəyindən xəbər verən əlamətlər) Rusiyanı təhdid etmir.

Publik.az "RİA Novosti"-yə istinadən xəbər verir ki, bu barədə Rusiya Milli Reytinq Agentliyinin (NRA) baş direktoru Tatyana Qriqoryeva bildirib.

Onun sözlərinə görə, bu ilin sonuna qədər Rusiyada Amerika valyutası 82-87 rubla başa gələcək, 2026-cı ildə isə 90-95 rubldan danışacağıq. O, sonuncunu rublun hələ də struktur zəifliyindən qurtulmaması və əlavə olaraq sanksiyaların ona təsir etməkdə davam etməsi ilə izah edib.

Qeyd edək ki, ötən ayın sonunda iqtisadçı Vladimir Qriqoryev Rusiya valyutasının payızın əvvəlində zəifləyə biləcəyini irəli sürüb. O, bunu idxalçıların ənənəvi fəallığı və ixracdan valyuta daxilolmalarının azalması kimi amillərlə bağlayıb.

Öz növbəsində, iqtisadçı Lazar Bədəlov hesab edir ki, Rusiya Bankının əsas məzənnəsinin gözlənilən azalması rublun devalvasiyasına səbəb olmayacaq.

Adəm