İqtisadi gündəm
Artıq ərzaqlar xarab olmayacaq - İnqilabi KƏŞF
Alimlər qida məhsullarının daha uzun müddət təzə qalmasına, eləcə də metal məmulatların korroziyadan qorunmasına imkan verən yeni qablaşdırma materiallarının hazırlanmasına kömək edəcək model yaradıblar.
Publika.az "RİA Novosti"yə istinadən xəbər verir ki, tədqiqat Kabardin-Balkar Universitetinin alimlərinin də daxil olduğu elmi kollektiv tərəfindən aparılıb.
Alimlərin sözlərinə görə, polimerlərin qazkeçirmə qabiliyyətini azaltmaq üçün onların tərkibinə nanometr ölçülü bərk hissəciklər əlavə edilir. Beləliklə, polimer kompozitlər əldə olunur. Bu hissəciklər qazın material daxilində hərəkət yolunu mürəkkəbləşdirir. Hissəciklərin miqdarı artdıqca, qazın materialdan keçməsi də çətinləşir.
Kabardin-Balkar Universitetinin Perspektiv Materiallar və Additiv Texnologiyalar Mərkəzinin baş elmi işçisi İqor Dolbin bildirib ki, tədqiqatda bisfenol A əsasında hazırlanmış polikarbonatdan əsas polimer kimi, qrafit və termiki reduksiya olunmuş qrafendən isə doldurucu materiallar kimi istifadə edilib. Nümunələr komponentlərin ərinti halında qarışdırılması yolu ilə hazırlanıb.
Alimin sözlərinə görə, komponentlərin struktur uyğunluğu tam olduqda, materialın nisbi qazkeçirmə qabiliyyəti yalnız hissəciklərin miqdarından asılı olur. Bu uyğunluq azaldıqda isə kompozitin qazkeçirmə qabiliyyəti təmiz polimerlə müqayisədə aşağı düşür.
İqor Dolbin qeyd edib ki, əldə olunan nəticələr polimer materialların xüsusiyyətlərini əvvəlcədən nəzəri şəkildə proqnozlaşdırmağa və hazır məhsulun hazırlanması üçün təcrübələri daha səmərəli planlaşdırmağa imkan verir. Bu yanaşma ilkin mərhələlərdə enerji və əmək sərfiyyatını azalda bilər. Modelə müəyyən düzəlişlər etməklə onu digər polimer və kompozit növlərinə də tətbiq etmək mümkündür.
Müəllif: Adəm
-
Qoroskop00:45Günün ulduz falı: Kiçik detalları gözdən qaçırmamağa çalışın
-
Dünya22 Noyabr 18:36300 işçinin çalışdığı şirniyyat fabriki külə döndü: Ölənlərin kimliyi DNT ilə müəyyən ediləcək - Yeniləndi
-
İdman22 Noyabr 16:58Polis keçmiş xokkeyçini güllələyərək öldürdü
-
MDB22 Noyabr 15:30Bir gündə mindən çox döyüşçü itirdilər
-
Magazin222 Noyabr 15:03Məşhur müğənni çayxanada konsert verdi, polis obyekti bağladı - VİDEO
-
Sağlamlıq22 Noyabr 14:27Bahalı kürüyə pul xərcləməyə dəyərmi? – Həkimdən vacib tövsiyə
-
Əmlak22 Noyabr 14:00Talıbovun 73 milyonluq villası üzə çıxdı - FOTO
-
MDB22 Noyabr 12:56Toyda atəş açdı, 4 nəfər saxlanıldı - VİDEO
















.jpg)



















