İqtisadi gündəm
Hörmüz boğazında təhlükəli geriləmə: Neft qiymətləri 115 dollara yaxınlaşdı
Hörmüz boğazından neft və qaz kondensatının daşınması oktyabrın ortalarında kəskin azalıb. Bu vəziyyət qlobal enerji bazarında qiymətlərin daha da yüksəlməsi riskini artırır.
Publika.az xəbər verir ki, bu barədə “İzvestiya” məlumat yayıb.
Bildirilir ki, oktyabrın 10-dan 16-dək Hörmüz boğazından gündəlik orta hesabla 7,2 milyon barel xammal və kondensat daşınıb. Bu, müharibədən əvvəlki səviyyənin təxminən yarısıdır. Sentyabrın sonunda isə göstərici rekord həddə - 10,5 milyon barelə çatmışdı.
Beləliklə, enerji daşıyıcılarının gündəlik daşınması 3,3 milyon barel azalıb və müharibədən əvvəlki səviyyənin 51 faizinə düşüb.
Analitiklər azalmanı əsasən İranın regionun strateji əhəmiyyətli boğazında tankerlərə hücumlarının intensivləşməsi ilə əlaqələndirirlər. Təhlükəsizlik riskləri səbəbindən logistika şirkətləri yüklərin bir gəmidən digərinə ötürülməsi sxemindən daha çox istifadə etməyə başlayıblar. Kiçik gəmilər təhlükəli ərazidən keçdikdən sonra xammalı tankerlərə ötürürlər. Bu məqsədlə Birləşmiş Ərəb Əmirliklərinin Füceyrə və Omanın Sohar limanları əsas məntəqələrə çevrilib.
Ticarət gəmilərinə hücumların artması fonunda dünya bazarında neftin qiyməti də yüksəlib. Oktyabrın 22-də Brent markalı neftin qiyməti ticarət zamanı bir barel üçün 113 dolları ötüb, sonradan isə 115 dollara yaxınlaşıb.
Ekspertlər xəbərdarlıq edirlər ki, regionda gərginliyin yenidən artması neft qiymətlərinin daha da yüksəlməsinə səbəb ola bilər.
Müəllif: Adəm Abbaslı
-
Qoroskop00:45Günün ulduz falı: Kiçik detalları gözdən qaçırmamağa çalışın
-
Dünya22 Noyabr 18:36300 işçinin çalışdığı şirniyyat fabriki külə döndü: Ölənlərin kimliyi DNT ilə müəyyən ediləcək - Yeniləndi
-
İdman22 Noyabr 16:58Polis keçmiş xokkeyçini güllələyərək öldürdü
-
MDB22 Noyabr 15:30Bir gündə mindən çox döyüşçü itirdilər
-
Magazin222 Noyabr 15:03Məşhur müğənni çayxanada konsert verdi, polis obyekti bağladı - VİDEO
-
Sağlamlıq22 Noyabr 14:27Bahalı kürüyə pul xərcləməyə dəyərmi? – Həkimdən vacib tövsiyə
-
Əmlak22 Noyabr 14:00Talıbovun 73 milyonluq villası üzə çıxdı - FOTO
-
MDB22 Noyabr 12:56Toyda atəş açdı, 4 nəfər saxlanıldı - VİDEO
















.jpg)



















