İqtisadi gündəm
Yeni qərar bu maşınların qiymətini kəskin ucuzlaşdıracaq
Azərbaycanda 2060-cı ilədək atmosferə atılan karbon emissiyalarının xalis sıfır səviyyəsinə endirilməsi hədəfi müəyyənləşdirilib. Bununla bağlı Baş nazir Əli Əsədov müvafiq qərar imzalayıb.
Qərarda 2035-ci ilədək daxili yanma mühərrikli avtomobillərin mərhələli şəkildə istismardan çıxarılması, 2060-cı ilədək isə sərnişin avtomobilləri parkında elektrik və digər alternativ enerji ilə işləyən nəqliyyat vasitələrinin payının 100 faizə çatdırılması nəzərdə tutulur.
Publika.az xəbər verir ki, mövzu ilə bağlı “Yeni Sabah”a danışan nəqliyyat məsələləri üzrə ekspert Raqif Raufoğlu bildirib ki, hazırda benzin mühərrikli maşınlar hibridlərdən olduqca ucuz satılır:
“Bu qərardan xəbərim var. Təbii ki, hədəfləri yaxşıdır, gözəldir. Amma burada hər şey gedişata bağlı olacaq.
İndi olmasa da, tədricən, yavaş benzin və dizellə işləyən avtomobilləri saxlamaq vətəndaşlar üçün çətinliyə çevrilə bilər. Hazırda ölkəyə gətirilən avtomobillərdə əks tendensiya müşahidə olunur.
Bu dəqiqə benzin mühərrikli maşın hibriddən daha ucuz gəlir. Çünki hibrid və elektromobillərlə bağlı stimullaşdırıcı qayda aradan qalxıb. Hazırda verilən qərarla o stimulun aradan qalxması bir-birinin əksidir.
Siz indi bazara getsəniz, eyni markalı avtomobilin benzin mühərriklisi hibridindən 5, 7 hətta 8 min manat daha ucuzdur. Müştəri də məhz ilkin emosiyadan qərar verir. Alıcı düşünür ki, niyə 8 min artıq pul verib hibrid alım ki? Elə benzin mühərrikli alıram da”.
Ekspert əlavə edib ki, hibrid benzin və dizelə nisbətən daha əlverişli alternativdir:
“Biz daxili bazardakı real vəziyyətə baxsaq, tendensiya tamamilə tərsinə gedir. Hibrid benzin və dizelə nisbətən daha əlverişli alternativdir. İnsanlar onsuz da hibrid maşınlara meyillənmişdi. Amma indi qiymətlər qalxdığı üçün, burada vəziyyət tərsinədir.
Elektromobillərə gəlincə, sürücülər arasında belə maşınlar artır. Amma bu maşınların da öz qayğıları var. Burada mental məsələləri də danmaq olmaz. Heç də hər adam elektromobil istəmir. Bəziləri bunu ikinci maşın kimi sürür.
Bir çoxlarının isə elektromobilləri saxlamaq üçün şəraiti yoxdur. Biz xidməti təyinatlı dövlət maşınlarını elektromobil görəndə, o zaman deyə bilərik ki, burada əməlli-başlı stimul var. Amma hələki belə bir nümunə yoxdur. 2060-a çox var. Amma hətta 2030-u hədəfləyən Avropa ölkələri belə bu məsələdə yüz faizlik nəticə tapmayıb”.
-
Qoroskop00:45Günün ulduz falı: Kiçik detalları gözdən qaçırmamağa çalışın
-
Dünya22 Noyabr 18:36300 işçinin çalışdığı şirniyyat fabriki külə döndü: Ölənlərin kimliyi DNT ilə müəyyən ediləcək - Yeniləndi
-
İdman22 Noyabr 16:58Polis keçmiş xokkeyçini güllələyərək öldürdü
-
MDB22 Noyabr 15:30Bir gündə mindən çox döyüşçü itirdilər
-
Magazin222 Noyabr 15:03Məşhur müğənni çayxanada konsert verdi, polis obyekti bağladı - VİDEO
-
Sağlamlıq22 Noyabr 14:27Bahalı kürüyə pul xərcləməyə dəyərmi? – Həkimdən vacib tövsiyə
-
Əmlak22 Noyabr 14:00Talıbovun 73 milyonluq villası üzə çıxdı - FOTO
-
MDB22 Noyabr 12:56Toyda atəş açdı, 4 nəfər saxlanıldı - VİDEO
















.jpg)



















