• USD 1,7000 0,00% EUR 2,0722 0,00%
    • GBP 2,4112 0,00% RUB 0,0237 0,00%

Azərbaycanda alim koronavirusdan vəfat etdi - Ailəsi də yoluxub

  • Hadisə
  • 18 İyun 2020 16:49
  • 1 640 Baxış
Azərbaycanda alim koronavirusdan vəfat etdi - Ailəsi də yoluxub

Azərbaycanda alim 70 yaşında koronavirusdan vəfat edib.

Tanınmış kimyaçı alim, Neft-Kimya Prosesləri İnstitutunun laboratoriya müdiri, AMEA-nın müxbir üzvü Ziyafəddin Həmid oğlu Əsədov iyunun 18-də dünyasını dəyişib.

Publika.az xəbər verir ki, bu barədə AMEA-nın rəsmi səhifəsi məlumat yayıb.

Oxu.az xəbər verir ki, onun həyat yoldaşı və kürəkəni də koronavirusa yoluxublar.

Qeyd edək ki, dünən alimin koronavirusa yoluxması və Elmi-Tədqiqat Ağciyər Xəstəlikləri İnstitutuna yerləşdirilməsi barədə məlumat yayılmışdı.

Ziyafəddin Əsədov 1950-ci il iyulun 19-da Bakı şəhərində anadan olmuşdur. O, 1967-ci ildə Bakı şəhərindəki 39 saylı orta məktəbi gümüş medalla bitirmiş və həmin il Azərbaycan Dövlət Neft və Sənaye Universitetinin Kimya-texnologiya fakültəsinə qəbul olmuşdur. 1972-ci ildə ali təhsilini başa vuran alim təyinatla Azərbaycan Elmlər Akademiyası Y.H.Məmmədəliyev adına Neft-Kimya Prosesləri İnstitutunda işə başlamışdır.

Kimyaçı alim 475 elmi əsərin, o cümlədən 10 monoqrafiya və dərs vəsaiti (kitablardan 4-ü ingilis dilindədir), 10 ixtira, 150-dən artıq xaricdə dərc olunmuş məqalənin müəllifi idi. Onun elmi rəhbərliyi ilə 6 elmlər doktoru və 4 fəlsəfə doktoru dissertasiyaları müdafiə olunmuşdur.

Halal Nemət

Xəbər lenti

DAHA ÇOX XƏBƏR