Hadisə

Kursantları daşıyan təyyarə qəzaya uğradı: Hamısı ölüb - FOTO

2 Fevral 2026 14:06

İki kursant və bir pilotu daşıyan Diamond təlim təyyarəsi Orskda qəzaya uğrayıb.

Publika.az xəbər verir ki, bu barədə "Shot" "Telegram" kanalı məlumat yayıb.

Məlumata görə, təyyarə radarlardan itərək Janatalap kəndi yaxınlığında qəzaya uğrayıb.

Bildirilir ki, təyyarə Rusiyanın aparıcı uçuş məktəblərindən biri olan Novikov Aviasiya Akademiyasına məxsus olub. Akademiya 20-ci əsrin ortalarında təsis edilib və mülki və hərbi aviasiya pilotları, eləcə də hava hərəkətinin idarə edilməsi və aviasiya texnologiyaları üzrə mütəxəssislər hazırlayır. Kursantlar uçuş nəzəriyyəsi, müasir təyyarələrin idarə edilməsi və simulyator təlimi daxil olmaqla hərtərəfli təlim keçirlər.

Qeyd olunur ki, xilasetmə və təcili yardım xidmətləri vəziyyəti qiymətləndirmək üçün hadisə yerinə gəlib. Hazırda təyyarədəki bütün şəxslərin öldüyü təsdiqlənib və mütəxəssislər qəzanın səbəblərini müəyyən etməyə davam edirlər.

Adəm