Hadisə

Saxta pulla alış-veriş edənlər tutuldu

2 Noyabr 2015 19:53

Tərtər rayonunda mağazadan saxta əskinas verərək ərzaq məhsulları almış şəxslər tutulub.

Publika.az Daxili İşlər Nazirliyinin saytına istinadən xəbər verir ki, Tərtər Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində oktyabrın 31-də Qanboy Tanrıverdiyevə məxsus mağazaya gələrək 1 ədəd 20 manatlıq və 2 ədəd 10 manatlıq saxta əskinas verib ərzaq məhsulları almış rayon sakinləri Fərid Məmmədli və Səxavət Axundlu saxlanılıblar.

Fərid Məmmədlidən 1 ədəd 20 manatlıq, 1 ədəd 5 manatlıq, 12 ədəd 1 manatlıq, 34 ədəd 10 manatlıq, Səxavət Axundlunun yaşadığı mənzilə baxış zamanı isə 1 ədəd 20 manatlıq və 13 ədəd 10 manatlıq saxta əskinas aşkar edilərək götürülüb.

Anar Tağıyev