Hadisə

Qubada əməliyyat: qanunsuz dini təbliğatla məşğul olanlar saxlanıldı

7 İyul 2016 11:46

Qubada 8 nəfərin qanunla qadağan edilən dini təriqətlərdən birini təbliğ etmələri müəyyən edilib.

Publika.az-ın Daxili İşlər Nazirliyinin rəsmi saytına istinadən xəbər verir ki, iyulun 6-da Quba rayonunun Talabıqışlaq kəndində yaşayan Coşqun Mirzəyevin evində rayon sakinləri Mədət Sədiyevin, Mikayıl Əmrahovun, Hafiz Gülmalıyevin, Vilayət Bağırovun, Firuz Bayramovun, Heydər Dadaşovun, Fuad Atayevin və Bakı şəhər sakini Samir Babayevin qanunla qadağan edilən dini təriqətlərdən birini təbliğ etmələri müəyyən edilib.

Quba Rayon Polis Şöbəsinin əməkdaşları tərəfindən onlar saxlanılıb, barələrində İnzibati Xətalar Məcəlləsinin 510-cu və 535-ci maddələri ilə protokol tərtib edilib, izahatları alındıqdan sonra buraxılıblar.