DÇ-2018: Şimali İrlandiya Almaniyaya, İngiltərə Sloveniyaya qarşı

Bu gün DÇ-2018-in Avropa zonası üzrə seçmə mərhələsində IX tura start veriləcək.

Qol.az xəbər verir ki, ilk oyun günündə C, E və F qrupunun iştirakçıları meydana çıxacaqlar.

Millimizin yer aldığı C qrupunda əsas diqqətlər Belfasta yönələcək. “Vindzor Park”da Şimali İrlandiya Almaniya yığmasını qəbul edəcək. Bundestim uduzmayacağı təqdirdə, qrup liderliyini və dünya çempionatına vəsiqəni təmin edəcək.

E qrupunda mərkəzi oyun Monteneqro - Danimarka matçıdır. Son 3 görüşü qələbə ilə başa vuran tərəflərin hər ikisi 16 xala malikdir və 2-3-cü yerləri bölüşdürürlər. Bu matçın nəticəsindən asılı olaraq Polşa səfərdə Ermənistanı məğlub etməklə sona 1 tur qalmış mundiala vəsiqəni rəsmiləşdirə bilər.

F qrupunda İngiltərə və Sloveniya “Uembli”də üz-üzə gələcəklər. Meydan sahibləri qələbə qazanacağı təqdirdə, DÇ-2018-ə yüksəlmiş olacaqlar. Şotlandiya - Slovakiya matçı isə qrup ikinciliyi baxımından mühüm əhəmiyyət daşıyır.

DÇ-2018, seçmə mərhələ

IX tur

5 oktyabr

C qrupu

20:00. Azərbaycan - Çexiya

22:45. Şimali İrlandiya - Almaniya

22:45. San Marino - Norveç

E qrupu

20:00. Ermənistan - Polşa

22:45. Monteneqro - Danimarka

22:45. Rumıniya - Qazaxıstan

F qrupu

22:45. İngiltərə - Sloveniya

22:45. Malta - Litva

22:45. Şotlandiya - Slovakiya