İdman

Ulduz futbolçu zədəsini müalicə etdirərkən görün nə işlə məşğul olub

9 Yanvar 2024 13:15

"Mançester Siti" yarımmüdafiəçisi Kevin De Bruyne maraqlı açıqlama verib.

Publika.az xəbər verir ki, uzun zamandan sonra meydanlara qayıdan belçikalı futbolçu zədəli olduğu müddətdə günlərinin necə keçdiyi barədə danışıb:

“Bir az təravətlənmək üçün yaxşı oldu. Oğlumla qızımı məşqlərə gətirmək və onların oyunlarını izləmək, nə etdiklərini görmək çox xoş idi. Tətilə çıxa bildim, bu, il ərzində heç vaxt olmur. Üstəlik, çox məşq etmişəm.

Üç yaşdan yeddi yaşa qədər üç uşağınız olanda, edə biləcəyiniz çox şey yoxdur. Mən əsasən taksi sürücüsüyəm! Amma xoşuma gəldi. Məncə, atanın oyunlara baxa bilməsi onların da xoşuna gəldi. İndi bütün işlərlə həyat yoldaşım məşğul olacaq".

Qeyd edək ki, 32 yaşlı yarımmüdafiəçi 2023-cü il avqustun 11-də Premyer Liqanın 1-ci turunun “Bernli” ilə oyununda (3:0) zədələnib və bu ilin yanvarına kimi oynamayıb.

Heybət