İdman
Rövşən Nəcəfdən Rövnəq Abdullayevin açıqlamasına reaksiya: Mən kral deyiləm
![](https://publika.az/storage/2021/12/24/rovsen_necef_241221.jpg?v1725751845)
“Elxan Məmmədovun açıqlamasında hər hansı sətiraltı məna görmədim. Mən “Neftçi”də Müşahidə Şurasının üzvü idim. Artıq gedirəm. “Neftçi” ilə bağlı dediklərimiz aktualdır. Eyni sözləri milli komanda barədə də deyə bilərəm. Zaman lazımdır”.
Publika.az xəbər verir ki, bu sözləri AFFA-nın yeni prezidenti Rövşən Nəcəf İcraiyyə Komitəsinin yeni tərkibdə keçirilən ilk iclasından sonra təşkil olunan mətbuat konfransında deyib.
O, uğur qazanmaq üçün zamana ehtiyac olduğunu bildirib: “Futbol, təkcə meydanda göstərilən nəticələrlə ölçülmür. İnfrastrukturun qurulması, gənclərin inkişafı, maliyyədə şəffaflıq da mühüm əhəmiyyət kəsb edir. Hər hansı uğurlu komandanın formalaşması üçün zamana ehtiyac var. Bütün aidiyyəti şəxslərin birgə səyi nəticəsində böyük nəticələrə ümid edə bilərik”.
Rövşən Nəcəf Azərbaycan futboluna yeni investorların cəlb olunması üçün çalışacağını bildirib: “İnkişaf üçün yol xəritəsi hələ hazır deyil. Çünki seçki bu gün keçirilib. İstənilən uğur üçün maliyyəyə ehtiyac var. Lakin biz dövlətin dəstəyinin artırılmasından çox, özəl sponsorların cəlb olunması üçün çalışırıq”.
AFFA rəhbəri milli komandanın baş məşqçisi məsələsinə də toxunub: “Bununla bağlı AFFA-da ötən ilin sonunda yaradılan İşçi Qrupu var. Həmin komissiya qısa siyahı hazırlayıb, məşqçilərlə danışıqlar aparıb. Bu iş yekunlaşmaq üzrədir. İcraiyyə Komitəsi bu məsələni rəsmiləşdirəcək. Növbəti iclaslarda bu məsələ müzakirəyə çıxarılacaq. İstənilən qərarın verilməsində yerli və ya əcnəbi amili önəm daşımır. Əsas odur ki, Azərbaycan millisindən gözlədiyimiz oyun tərzinə hansı mütəxəssislər cavab verəcəklər”.
Rövşən Nəcəf media ilə bağlı gələcək planları haqda sualı belə cavablandırıb: “Futbolun inkişafı yalnız birgə fəaliyyətlə mümkün ola bilər. Media da futbolun ayrılmaz, önəmli hissələrindən biridir. Sizin də dəstəyiniz bizə lazımdır. Bu baxımdan həm oyunların işıqlandırılması, həm azarkeşlərin cəlb edilməsi üçün müzakirələrin aparılması və s. qeyd etmək olar. Media ilə daha sıx işləyəcəyik. Ola bilər ki, yaxın gələcəkdə müzakirə xarakterli ayrıca, qapalı görüş də keçirək. Qapalı qapılar arxasında hər kəs öz fikrini rahat şəkildə ifadə edə bilər”.
Rövnəq Abdullayevin “kral öldü, yaşasın yeni kral” şüarını R.Nəcəf belə şərh etdi: “Mən kral deyiləm, özümü kral da hesab etmirəm. Futbolda insanların birgə çalışması vacibdir. Bu gün mənə böyük etimad göstərilib. Daim futbol oynayan bir insan kimi bu idman növü mənə yaxındır. Peşəkar yanaşmamı göstərməyə çalışacam. Etimadı doğrultmaq üçün əlimdən gələni edəcəm, lakin bunu bütün həmkarlarımla birgə etməliyik”.
Heybət
![Publika.az](https://publika.az/assets/main/image/logo-nav.png)
-
Dünya01:35
Ukrayna İranı hədələdi: Bu xəbərlər təsdiqlənərsə...
-
Magazin17 Sentyabr 23:46
Zeynəb Xanlarova ilə Nəsibə Abdullayeva bir arada - FOTO
-
Region7 Sentyabr 23:32
İranın paytaxtı bura köçürüləcək - Pezeşkian "başqa çarəmiz yoxdur" deyərək açıqladı
-
ABŞ7 Sentyabr 22:26
Blinken onunla şəxsən görüşmək istəyir
-
Nida Xəbər 7 Sentyabr 21:24
Mehriban Əliyeva İlham Zəkiyevi təbrik etdi
-
Sosial7 Sentyabr 20:30
Hamı Bakının bu qəsəbəsindən torpaq alır - Səbəbi görün nə imiş
-
Region7 Sentyabr 18:15
Mirzoyan Ankarada bəyan etmişdi: Türkiyəyə təhvil verdilər
-
Nəqliyyat7 Sentyabr 17:47
Dünyada bir ilk: Bu avtomobil tarixə düşdü - FOTO