İdman
Güləşçimiz ermənini məğlub edib finala yüksəldi
Bu gün Serbiyanın Novi Sad şəhərində güləş üzrə U-17 Avropa çempionatı start götürüb.
Publika.az xəbər verir ki, ilk yarış günündə 48, 55, 65, 80 və 110 kq-da yer alan yunan-Roma güləşçiləri xalçaya çıxıb.
Əmrah Əmrahov (48 kq) yunanıstanlı Pavlos Tsentidisə və ermənistanlı Andranik Xaçatryana eyni hesabla (9:0) qalib gələrək yarımfinala yüksəlib. Əmrah yarımfinalda isveçli Santoş Sarmalinqamdan da güclü olub – 6:0. Əmrahov sabah finalda rusiyalı Nikolay Kristovla qarşılaşacaq.
Əli Nəzərov (55 kq) startda ermənistanlı Aleksandr Aydoyevi (5:0), daha sonra serbiyalı Kristian Dobiyə tam üstünlüklə (9:0) qalib gəlib. Əli finalın bir addımlığında bolqarıstanlı Alyoşa İliyevə sonuncu xal prinsipinə görə (1:1) məğlub olub. O, sabah bürünc medal uğrunda güləşəcək.
İsbəndiyar İmanov (65 kq) latviyalı Yaromirs Jukovsu vaxtından əvvəl (8:0), estoniyalı Robi Kristyuhanı isə sonuncu xal prinsipinə əsasən (1:1) mübarizədən kənarlaşdırıb. İmanov 1/4 finalda almaniyalı Kevin Karlla bacarmayıb – 4:12.
Orxan Hacıyev (80 kq) yunanıstanlı Vasileyos Semertzidisə tam üstünlüklə (10:1) qalib gəldikdən sonra 1/4 finalda serbiyalı Duşan Stokiçdən də güclü olub (6:1). Yarımfinalda sonuncu xal prinsipinə əsasən (5:5) türkiyəli Yiğit Sarıya məğlub olan Hacıyev bürünc medal uğrunda güləcək.
110 kq çəkidə yarışan Mikayıl İsmayılov ilk görüşdə finlandiyalı Aleksandr Saramaekini vaxtından əvvəl (9:0) mübarizədən kənarlaşdırıb. 1/4 finalda gürcüstanlı Luka Şavadzeni (4:1) də məğlub edən güləşçimiz yarımfinalda ukraynalı İvan Yankovskiyə uduzub (0:8). Mikayıl da sabah üçüncü yer uğrunda mübarizə aparacaq.
-
Hadisə18:20
Bakıda məşhur restorandakı yanğın söndürüldü - VİDEO/YENİLƏNDİ
-
Ekologiya18:06
Bəzi rayonlarda çaylardan daşqın və sel keçəcək - XƏBƏRDARLIQ
-
Region17:45
Tbilisi Vaşinqtona mesaj göndərdi: Hazırıq
-
Sosial17:36
İlham Əliyev sərəncam imzaladı
-
İqtisadi gündəm17:03
Rusiyada Aİ-95 markalı benzin bahalaşdı
-
Hadisə16:33
Mikroavtobusla maşın toqquşdu: 10-dan çox yaralı var - VİDEO
-
Sosial16:06
Qətlə yetirilən Turalın Kosayevin sevgilisi: Məni şantaj edirdi - Foto
-
İdman15:36
Zubirin "Qarabağ"dakı taleyi müəyyənləşdi