Türkiyə-Almaniya münasibətləri gərginləşdi: "Bozqurd" sevincindən sonra
Bizi izləyin
Kanon

İdman

Türkiyə-Almaniya münasibətləri gərginləşdi: "Bozqurd" sevincindən sonra

Avropa çempionatının 1/8 final mərhələsinin Avstriya - Türkiyə matçında (1:2) dubl müəllifi olan Merih Demiralın qol sevinci zamanı "bozqurd" işarəsi göstərməsi Avropada böyük səs-küyə səbəb olub.

Publika.az xəbər verir ki, türkiyəli futbolçunun jesti rəsmi Ankara ilə Berlin arasında gərginlik yaradıb. Dünən Türkiyənin Almaniya səfirini Xarici İşlər Nazirliyinə çağırmasından sonra qarşı tərəf bu gün eyni addımı atıb.

Almaniya Daxili İşlər Naziri Nensi Faeserin “Türk ifrat sağçılarının işarələrinə stadionlarımızda yer yoxdur” deməsi və UEFA-ya sanksiya çağırışından sonra dünən Almaniyanın Ankaradakı səfiri Yurgen Şuls XİN-ə çağırılıb.

Bu gün Almaniya Xarici İşlər Nazirliyinin Türkiyənin Berlindəki səfiri Əhməd Başar Şeni nazirliyə çağırdığı açıqlanıb. Almaniya XİN-in sözçüsü bildirib ki, səfir “bozqurd” işarəsinə görə çağırılıb.

Qeyd edək ki, UEFA da futbolçunun qol sevincinə görə intizam işi açıb.

Heybət

Oxumağa davam et
Reklam
Reklam

Gündəm

Kanon