İdman

Luçesku yenə əməliyyat olunacaq

14 Sentyabr 2024 06:16

Rumıniyalı məşqçi Mirça Luçesku yenidən əməliyyat olunacaq .

Publika.az xəbər verir ki, 79 yaşlı mütəxəssis sağ omba nahiyəsində problem yaranıb. Rumıniya mətbuatının yazdığına görə, Mirçanın sol bud nahiyəsində olduğu kimi koksartroz var.

Əməliyyat oktyabrda Kiyevdə keçiriləcək. Luçesku 2023-cü ilin mayında Ukrayna paytaxtında sol ombasını narahat edən koksartroz səbəbindən uğurla əməliyyat olunub .

O, sentyabrda yenidən əməliyyat olunmaq istəyib. Lakin Rumıniya millisinə baş məşqçi təyin olunduğu üçün bu proses təxirə salıb. Millətlər Liqasının oktyabr matçlarından sonra Mirça bıçaq altına düşəcək.

Mirça Luçeskunun rəhbərlik etdiyi Rumıniya millisi ilk iki matçda qələbə qazanıb. Rumınlar əvvəlcə Kosovonu (3:0), daha sonra Litvanı (3:1) məğlub ediblər. Oktyabrın 12-də Kiprlə, 15-də isə Litva ilə görüşəcəklər.