İdman

16 yaşlı gürcü "Real" və "Barselona"nın hədəfində

12 Noyabr 2024 14:00

Tbilisi "Dinamo"sunda sol cinah müdafiəçisi 16 yaşlı Saba Xarebaşvili İspaniya nəhəngləri - "Barselona" və "Real "ın diqqətini çəkib.

Publika.az xəbər verir ki, bu barədə "Diario AS" məlumat yayıb.

15 yaşında “Dinamo”nun əsas komandasında debüt edən Xarebaşvili ardıcıl oyunlar keçirməyi və üstün fiziki hazırlığı ilə seçilməyi bacarıb. Yaşına görə bir neçə ölkə rekordu qırıb.

Bu mövsüm futbolçu "Dinamo"da 27 oyun keçirib, 2 məhsuldar ötürmə edib. "Transfermarkt"ın məlumatına görə, müdafiəçinin bazar dəyəri 300 min avrodur.

Mənbənin sözlərinə görə, “Dinamo” İspaniya futbol ictimaiyyəti ilə əlaqələri gücləndirməyə çalışır. Klub yerli təşkilatlarından biri ilə tərəfdaşlıq müqaviləsi bağlayıb və Barselonada ofis açıb. Klub bu yolla gürcü istedadları Avropa səhnəsində tanıtmaq, inkişaf etdirmək və futbolçularını Avropanın aparıcı liqalarına göndərmək niyyətindədir.

Heybət