Qum şəhərində silsilə partlayışlar baş verdi

İranın Qum şəhərində silsilə partlayışlar baş verib.

Publika.az xəbər verir ki, bu barədə İraqın INA informasiya agentliyi məlumat yayıb.

Qeyd olunub ki, hazırda partlayışların xarakteri, eləcə də hücum nəticəsində xəsarət alanlar barədə məlumat yoxdur.

Martın 3-də Qum və Tehranda baş verən hücumdan sonra İslam Respublikasının ali rəhbərini seçən Ekspertlər Məclisinin ofisləri təxliyə edilib. İranın dövlət teleradio şirkətindən bildirilib ki, zərbələr nəticəsində tələfat olmayıb.

Qeyd edək ki, ali dini lider Ayətullah Əli Xameneinin öldrülməsindən sonra İranda müvəqqəti rəhbər şura yaradılıb. Şuranın tərkibinə prezident Məsud Pezeşkian, məhkəmə hakimiyyətinin rəhbəri Qolam-Hüseyn Möhsüni-Ejei və Konstitusiyanın Keşikçiləri Şurasının üzvü Əlireza Ərafi daxildir. Bu şuranın əsas vəzifəsi ali rəhbərin olmadığı dövrdə ölkəyə rəhbərliyin davamlılığını təmin etməkdir. Gələcəkdə yeni ali rəhbərin təyin edilməsi ilə İslam Respublikasının baş rəhbərinin seçilməsinə cavabdeh olan xüsusi orqan — Ekspertlər Məclisi məşğul olacaq.

Xatırladaq ki, İranın Ekspertlər Məclisi Əli Xameneinin oğlu Müctəba Xameneini İranın yeni ali rəhbəri təyin edib.