Sabiq PSJ-lidən qalmaqallı açıqlama: Bəlkə də, həyat yoldaşımı məndən çox bəyənib

"Real"ın, PSJ-nin və İspaniya milli komandasının keçmiş hücumçusu Jese Rodriges qalmaqallı müsahibə verib.

Publika.az xəbər verir ki, o, karyerasının ən çətin dövründən danışıb:

"İstəsəydim, "Real"da qalardım, amma PSJ-ni seçdim. Üstəlik, oyun vaxtım az idi və Parisdə daha çox oynayacağımı düşünürdüm. Unai Emeri orada məşqçi idi və mənə zəng edən də o idi. Unutmayın ki, mən Madriddə çox şey qazanmışam.

PSJ-dəki karyerama məhsuldar ötürmə ilə başladım. Lakin sonra appendisitimə görə iki ay meydandan kənarda qaldım. Yanvarda mənə dedilər ki, getməliyəm.

Emeriye dedim ki, özümü dolandırılmış kimi hiss edirəm. Prezident Nassir Əl-Xelaifi məni şəxsən görmək belə istəmədi. Bəlkə də həyat yoldaşımı (red - Aura Ruiz) məndən çox bəyənib.

Mənə heç bir izahat vermədilər. Çox pul qazana bilərdim, bəli, amma mənimlə çox, çox pis rəftar etdilər. Mən başa düşdüm ki, "Real" hər cəhətdən dünyanın ən yaxşı klubudur. PSJ-nin prezidenti isə milyardları olan və oyunçulardan istifadə edən bir adamdır".

Qeyd edək ki, Jese hazırda Malayziya çempionatında /"Yohor DT" klubunda oynayır və karyerası ərzində "Las Palmas", "Stok Siti", "Betis", "Sportinq", "Ankaragücü", "Sampdoria" və "Kuritiba" kimi klublarda çıxış edib.

Heybət