FIFPRO ilin komandasını açıqladı: Ronaldodan sonra Messi də...

"İnter Mayami" və Argentina millisinin kapitanı Lionel Messi 18 ildən sonra ilk dəfə Beynəlxalq Peşəkar Futbolçular Assosiasiyaları Federasiyasının (FIFPRO) komandasına daxil edilməyib.

Publika.az xəbər verir ki, Beynəlxalq Peşəkar Futbolçular Assosiasiyaları Federasiyası (FIFPRO) oyunçuların seçimi əsasında ilin simvolik komandasını təqdim edib. 11 nəfərlik heyətə 2023/24 mövsümündəki çıxışlarına görə həmkarlarından ən çox səs toplayan oyunçular daxil edilib. Səsvermədə 21 266 futbolçu iştirak edib. Messi 2006-cı ildən sonra ilk dəfə heyətdə yer almayıb.

"Əl-Nəsr"in və Portuqaliya millisinin üzvü Kriştiano Ronaldo isə ardıcıl ikinci dəfə simvolik komandaya daxil edilməyib.

FIFPRO-ya görə 2023/24 mövsümünün simvolik komandası

Qapıçı: Ederson ("Mançester Siti", Braziliya).

Müdafiəçilər: Daniel Karvaxal ("Real", İspaniya), Antonio Rudiger ("Real", Almaniya), Vircil van Deyk ("Liverpul", Niderland).

Yarımmüdafiəçilər: Kevin De Bruyne ("Mançester Siti", Belçika), Rodri ("Mançester Siti", İspaniya), Toni Kroos ("Real", Almaniya), Cud Bellinqem ("Real", İngiltərə).

Hücumçular: Kilian Mbappe (PSJ/"Real", Fransa), Erlinq Haaland ("Mançester Siti", Norveç), Vinisius Junior ("Real", Braziliya).

Heybət