İdman

Ailədə söz-söhbət: İtalyan gözəl ona xəyanət edib? - FOTOLAR

11 Dekabr 2024 13:34

İtaliyalı jurnalist və teleaparıcı Diletta Leotta ilə klubsuz qalan qapıçı Loris Kariusun evliliyi pozula bilər.

Publika.az xəbər verir ki, bu barədə "Il Messaggero"nun jurnalisti Qabriele Parpilya məlumat yayıb.

“Diletta ilə Loris arasında böhran yaşanır. Ancaq heç kim səbəbini bilmir. Bununla belə, cütlüyə yaxın bir mənbə bizə Dilettanın yaxın dostlarına dediklərini söyləyib. Karius Leottanın xəyanət yazışmalarını aşkar edib. O, həyat yoldaşından münasibətləri barədə düşünmək üçün ara verməsini xahiş edib.

Bu anda Diletta geri qayıdıb. Çünki o, həmişə ailə dəyərlərinə, xüsusən də tərəfdaşı ilə birlikdə qurduğu ailəsinə inanıb.

Cütlük klublararası dünya çempionatı ilə bağlı təqdimatdan istifadə edərək, Mayamidə qalıb və dəniz qırağında mini-istirahət edir. Onlar dənizin sahilində görünüb. Aralarında problem olmadığını demək olar”, - deyə Qabriele bildirib.

Qeyd edək ki, ötən il ailə həyatı quran cütlüyün Aria adlı bir qızı var.

Publika.az