İdman

“Barsa”dan “Liverpul”a 70 milyonluq təklif

18 Yanvar 2025 09:40

“Barselona” bu yay 28 yaşlı cinah oyunçusu Luis Diası transfer etmək niyyəti barədə “Liverpul”a məlumat verib.

Publika.az xəbər verir ki, bu barədə “Antena 2” məlumat yayıb.

Mənbənin məlumatına görə, “blauqrana” kolumbiyalı futbolçunun transferi üçün 70 milyon avro təklif etmək niyyətindədir. “Barselona” Diasın karyerasını İspaniyada davam etdirmək istədiyini bilir. Kataloniya klubunun idman rəhbərliyi artıq “Liverpul”un hücumçusunun ətrafı ilə danışıqlar aparıb.

Bu mövsüm Dias bütün turnirlərdə 27 matçda iştirak edib, 12 qol vurub və 3 məhsuldar ötürmə edib. Futbolçunun əmək müqaviləsi 2027-ci ilin yayına kimi nəzərdə tutulub. “Transfermarkt” portalında verilən məlumata görə, futbolçunun bazar dəyəri 85 milyon avrodur.