İdman

Mourinyo öz şərab brendini təqdim etdi: bu qiymətədir - Video

21 Yanvar 2025 06:16

“Fənərbağça”nın baş məşqçisi Joze Mourinyo öz şərab brendini satışa çıxarıb.

Publika.az xəbər verir ki, 61 yaşlı portuqaliyalı xüsusi videoda “The Special One” adlı qırmızı şərab təqdim edib. Mourinyonun karyerasının əvvəlində aldığı ləqəb məhz budur.

“Bütün səylərdə dəqiqliyi, keyfiyyəti və mükəmməlliyi qiymətləndirən biri kimi mən öz şərabımı təqdim etməkdən qürur duyuram: Xüsusi şərab. Portuqaliyanın sevimli bölgələrindən birində seçilmiş bu şərab mənim vətənimin ruhunu və həyatın hər anından həzz almaq istəyimi əks etdirir. İstər qələbəni qeyd edirsən, istərsə də sevdiklərinlə vaxt keçirirsən, bu şərab həqiqətən xüsusi biri ilə bölüşmək üçün hazırlanır”, – Mourinyo yazıb.

Şərab Portuqaliyanın Douro vadisində əl ilə yığılmış üzümdən hazırlanır. Şüşə xüsusi qutuda və Mourinyonun siluetini əks etdirən etiketlə satılır. Bir şüşənin qiyməti 120 avrodur, ilkin sifariş açıqdır.