İdman

Bakıdan sonra bu yarışda da qələbə qazandı: Ferstappenin karyerasında ilk

29 Sentyabr 2025 03:51

Formula-1 pilotu Maks Ferstappen GT3 yarışında ilk qələbəsini qazanıb.

Publika.az xəbər verir ki, o, Nürburqrinq Nordşlayfə trekində keçirilən yarışda finişə birinci çatıb.

Niderlandlı sürücü “Ferrari 293 GT3”-ü idarə edib və start xəttinə üçüncü yerdən çıxmasına baxmayaraq dərhal liderliyi ələ alıb. Daha sonra o, estafeti Kris Lulqema ötürüb və bu anadək rəqiblərini təxminən bir dəqiqə qabaqlayırdı.

Britaniyalı pilot üstünlüyü qoruyaraq yarışı ikinci yer sahibindən 24 saniyə fərqlə öndə başa vurub.

Xatırladaq ki, ilk məşqlərində Ferstappen trekdə rekord nəticə göstərmişdi — 7 dəqiqə 45 saniyə. Bu, onun may ayında Nürburqrinqdəki qeyri-rəsmi testlərdə imza atdığı əvvəlki göstəricidən (7:48) 3 saniyə yaxşıdır. Həmin vaxt 27 yaşlı niderlandlı “Frants Herman” təxəllüsü ilə çıxış edərək GT3 avtomobilləri üçün rekord müəyyənləşdirmişdi.

Qeyd edək ki, Maks Ferstappen ötən həftə Formula-1 üzrə Azərbaycan Qran-Prisinin qalibi olmuşdu.