İdman

56 illik rekord təkrarlandı və ilk yaşandı

28 Sentyabr 2025 19:48

İngiltərə Premyer Liqasının 6-cı turunda “Kristal Pelas” “Liverpul”a 2:1 hesabı ilə qalib gəlib və bütün turnirlərdəki məğlubiyyətsiz oyunlar seriyasını 18-ə çatdıraraq klub rekordunu təkrarlayıb.

Publika.az xəbər verir ki, sonuncu dəfə “Kristal Pelas” 1969-cu il fevralın 22-dən avqustun 13-dək ardıcıl 18 oyun uduzmamışdı.

London klubu tarixində ilk dəfə olaraq İngiltərə çempionatına altı tur ərzində məğlubiyyətsiz start verib. Bundan əlavə, “Kristal Pelas” Premyer Liqada da 12 oyundur uduzmur. Bu seriya ötən mövsümdən davam edir.

Hazırda Oliver Qlasnerin komandası 12 xalla turnir cədvəlində ikinci pillədə qərarlaşıb. Növbəti turda komanda səfərdə “Everton”la qarşılaşacaq.