Türkiyə futbolu “qumar bataqlığı”nda boğulur
Bizi izləyin
Aptekonline

İdman

Türkiyə futbolu “qumar bataqlığı”nda boğulur

Türkiyə Futbol Federasiyası (TFF) 149 peşəkar hakimi idman yarışlarına mərc etdikləri üçün 8 aydan bir ilə qədər müddətə hakimlikdən uzaqlaşdırıb.

Publika.az “TRT Haber”ə istinadən xəbər verir ki, istintaqın nəticələrinə görə, 571 fəal hakimdən 371-nin bukmeker kontorlarında hesabı olub, onlardan 152-si qumar oyunları ilə fəal məşğul olub.

Hadisəni şərh edən federasiyanın rəhbəri İbrahim Hacıosmanoğlu Türkiyə futbolunun ciddi mənəvi böhran yaşadığını qeyd edib.

“Futbolumuzun əsas problemi etik prinsiplərin olmamasıdır. Təxminən 15 hakimin mərc oyunlarına cəlb oluna biləcəyini güman etdik, lakin miqyası şok oldu. Hakimlərlə yanaşı, oyunçular da mərc edir – təxminən 3700-ə yaxın”, – deyə o, CNN Türk-də bildirib.

Araşdırma zamanı məlum olub ki, 42 hakim mindən çox, onlardan biri isə 18 mindən çox mərc edib.

Oxumağa davam et
Reklam
Reklam

Gündəm

Aptekonline