İdman

Tanınmış futbolçuya silahlı hücum edildi: Görün məqsədi nə imiş

5 Noyabr 2025 17:45

“Tottenhem”in və İtaliya millisinin müdafiəçisi Destini Udodziyə odlu silahla hədə-qorxu gəlinib.

Publika.az xəbər verir ki, bu barədə “The Athletic” məlumat yayıb.

Hadisə bu ilin sentyabrın 6-da Londonda baş verib. 31 yaşlı bir kişi futbolçunu tapança ilə hədələyib. Polis həmin şəxsi dərhal saxlayıb.

Sonradan məlum olub ki, həmin şəxs Udodzi ilə yanaşı başqa birinə də hədə-qorxu gəlib. O, qanunsuz silah saxlama, hədə yolu ilə pul tələb etmə və sürücülük vəsiqəsi olmadan avtomobil idarəetmə maddələri üzrə ittiham olunub. Hazırda şübhəli zaminə buraxılıb, istintaq davam edir.

Məlumatda qeyd olunur ki, saxlanılan şəxs futbol agentidir və Udodzini onunla əməkdaşlıq etməyə məcbur etməyə çalışıb.

Xatırladaq ki, ötən gün “Tottenhem” Çempionlar Liqasının 4-cü turunda “Kopenhagen”i 4:0 hesabı ilə məğlub edib.

Heybət