Alonso üzünə ağ olan Vinisiusla bağlı qərarını açıqladı
Bizi izləyin
Aptekonline

İdman

Alonso üzünə ağ olan Vinisiusla bağlı qərarını açıqladı

"Real"ın baş məşqçisi Xabi Alonso Vinisius Juniorla baş verən insident barədə danışıb.

Publika.az xəbər verir ki, o, bütün anlaşılmazlıqları aradan qaldırdıqlarını bildirib. Bu, braziliyalı futbolçunun “El Klasiko” zamanı baş verən əsəbi davranışına görə ictimai şəkildə üzr istəməsindən sonra baş verib.

“Çərşənbə günü bütün komanda ilə görüşdük və Vinisius mükəmməl davrandı. O, səmimi danışdı və bu, çox doğru idi. Mənim üçün bu məsələ bağlanıb”, – deyə Alonso bildirib.

Xatırladaq ki, Vinisius matçın bitməsinə 20 dəqiqə qalmış əvəzlənməsi qərarına əsəbi reaksiya vermiş və klubdan ayrılmaq istədiyini demişdi. Çərşənbə günü o, sosial şəbəkələrdə paylaşım edərək davranışına görə klubdan, azarkeşlərdən, prezidentdən və komanda yoldaşlarından üzr istəyib. Vinisius məşqdən əvvəl şəxsən məşqçi heyəti və komanda yoldaşlarından ayrıca üzr istəyib.

Heybət

Oxumağa davam et
Reklam
Reklam

Gündəm

Aptekonline