İdman

İkinci UFC titulu: İslam niyə risk edir?

9 Noyabr 2025 06:46

Yüngül çəkidə keçmiş UFC çempionu İslam Mahaçev ikiqat UFC çempionu olmaq məqsədindən danışıb.

Publika.az xəbər verir ki, o, hazırkı titul sahibi avstraliyalı Cek Della Maddalena ilə döyüşü qəbul etdi. Onların görüşü noyabrın 16-da ABŞ-ın Nyu-York şəhərində UFC 322-də baş tutacaq.

“Gənc olanda dünyanın ən yaxşısı olacağımı heç ağlıma belə gətirməzdim. Amma ətrafımdakı insanlar həmişə mənə deyirdilər ki, sadəcə məşq et, sən çempion olacaqsan. Buna görə də bütün həyatım boyu buna hazırlaşdım. İdmanda əldə etdiklərimə çox az adam nail ola bilər.

UFC çempionu olduqdan sonra irəli getməlisən. Mən isə yüngül çəkidə bacardığım hər şeyi etdim. İkiqat çempion olmağa layiqəm. İndi mənim məqsədim ikinci tituldur”, – Mahaçev UFC-nin mətbuat xidmətinə müsahibəsində deyib.