İdman

Messi “Barselona” tarixinin ən yaxşısı seçildi: Qayıdacağam

20 Noyabr 2025 12:19

“İnter Mayami”nin hücumçusu Lionel Messi Sport.es idman nəşri tərəfindən 21-ci əsrdə “Barselona”nın ən yaxşı futbolçusu mükafatına layiq görülüb.

Publika.az xəbər verir ki, nəşrin rəhbəri Joan Vehils 38 yaşlı argentinalı futbolçunun hazırkı klubunun bazasına - Mayamiyə gələrək mükafatı şəxsən Messiyə təqdim edib. Qrafik sıxlığı səbəbindən Leo Madriddə keçirilən rəsmi mərasimə qatıla bilməyib. Təqdimatdan sonra Messiyə “Barselona” azarkeşlərinin ona klub və şəhərdə keçirdiyi illərə görə təşəkkür etdiyi xüsusi video göstərilib.

Messi mükafatla bağlı belə danışıb:

“Doğrusu budur ki, biz birlikdə çox şey yaşadıq - həm yaxşı, həm də çətin anlar. Uzun karyera ərzində hər şeyin həmişə qaydasında getməməsi normaldır, çətinliklər də olur. Amma nə edək, bura mənim evim, mənim yerim, mənim insanlarımdır. Əlbəttə ki, qayıdacağam. Stadionda sıravi azarkeş kimi iştirak edib komandamı, klubumu dəstəkləyəcəyəm.”

Heybət