İdman

Rusiya çempionatında YENİ REKORD

6 Dekabr 2025 20:24

Rusiya Premyer Liqasında (RPL) yeni rekord qeydə alınıb.

Publika.az “Tsifroskop” "Telegram" kanalına istinadla xəbər verir ki, bu, 18-ci turun “Rostov” – “Rubin” (Kazan) oyunu zamanı “Rostov”un qapısına penalti təyin olunduqdan sonra baş verib.

"Rostov" komandasının qapısına ardıcıl dördüncü ev oyununda 11 metrlik cərimə zərbəsi təyin edilib. Turnirin tarixində indiyə qədər heç bir komanda ilə belə hal yaşanmayıb.

“Rostov Arena” stadionunda keçirilən matç 2:0 hesabı ilə başa çatıb. Hesabı 52-ci dəqiqədə penalti zərbəsini dəqiqliklə yerinə yetirən Aleksey Mironov açıb. Komandanın ikinci qolunu 67-ci dəqiqədə Yeqor Qolenkov vurub, ona ötürməni Kirill Şçetinin edib. 89-cu dəqiqədə “Rubin” penalti şansı ilə bir topu geri qaytara bilərdi, lakin İqor Vuyayiç 11 metrlik cərimə zərbəsindən yararlana bilməyib.

Hüseyn İbadlı