İdman

Hakim "Real"ın futbolçusunu bu sözünə görə meydandan qovub

8 Dekabr 2025 12:14

"Real"ın müdafiəçisi Álvaro Karerrasın La Liqanın 15-ci turunda "Selta" ilə oyunda (0:2) meydandan qovulmasının səbəbi məlum olub.

Publika.az xəbər verir ki, 22 yaşlı futbolçu 90+2-ci dəqiqədə əvvəlcə sarı, daha sonra isə hakim Alehandro Kintero ilə mübahisəyə görə birbaşa qırmızı vərəqə alıb.

"Tiempo de Juego"nun məlumatına görə, Karerras hakimin ünvanına "sən dəhşətsən" dediyi üçün meydandan kənarlaşdırılıb. Mənbənin bildirdiyinə əsasən, hakimə hörmətsizliyə görə müdafiəçini La Liqada iki oyunluq diskvalifikasiya gözləyir.

Qeyd edək ki, "Real" İspaniya çempionatının turnir cədvəlində 16 oyundan 36 xalla ikinci pillədə qərarlaşıb. Komanda lider "Barselona"dan 4 xal geri qalır.

Heybət