MDB

5,1 milyardlıq itki - İrəvanla Moskva arasında açıq qarşıdurma başladı

2 Aprel 2026 09:12

İrəvanın Avropa İttifaqı ilə daha sıx əlaqələr quracağı barədə açıqlamalarından sonra Rusiya və Ermənistan qarşılıqlı ticarətdə 5,1 milyard dollar itirib.

Publika.az xəbər verir ki, bu barədə TASS agentliyi Rusiya Baş nazirinin müavini Aleksey Overçuka istinadən məlumat yayıb.

Onun sözlərinə görə, Rusiya tərəfi 2024-cü ilin sentyabr ayında erməni tərəfdaşlarını bu cür açıqlamaların biznes fəaliyyəti üçün mümkün nəticələri barədə xəbərdar edibmiş.

Overçuk qeyd edib ki, ilkin məlumatlara görə, qarşılıqlı ticarətin həcmi 11,5 milyard dollardan təxminən 6,4 milyard dollara düşüb. O, bu azalmanı rusiyalı sahibkarlar arasında əhval-ruhiyyənin dəyişməsi ilə əlaqələndirib.

Baş nazirin müavini qeyd edib ki, vəziyyətin sonrakı inkişafı hər iki ölkədəki bizneslərin iş şəraitinə təsir göstərə bilər. O bildirib ki, sahibkarların reaksiyaları Ermənistanın xarici iqtisadi siyasətindəki mövcud tendensiyaların davam edib-etməməsindən asılıdır.

Müəllif: Tural