İdman

Azarkeşlər bazanı mühasirəyə aldılar

25 Yanvar 2026 14:28

“Benfika” azarkeşləri uğursuz nəticələrdən sonra komandadan hesabat tələb ediblər.

Joze Mourinyonun komandası son dörd oyundan üçündə məğlub olub, Portuqaliya Kuboku və Liqa Kubokundan kənar qalıb, liqada “Portu”dan 10 xal geridədir və Çempionlar Liqasında mübarizəni dayandırmaq üzrədir.

Publika.az “Record”a istinadla xəbər verir ki, dünən 200 azarkeş bazaya girişi bağlayaraq komandanın zəif oyununa görə rəhbərliklə görüş tələb edib.

Əvvəlcə qrupun dörd nümayəndəsinə klubun ərazisinə, daha sonra isə digərlərinin içəri girməsinə icazə verildi. Azarkeşlər Mourinyo, texniki direktor Simao və kapitan Nikolas Otamendi ilə görüşdülər. Məşq meydançasına girdikdən bir saat sonra azarkeşlər oradan ayrılıblar.

Qeyd olunur ki, söhbət zamanı azarkeşlər üzərində “Sona qədər birləşək” yazısı olan banner nümayiş etdiriblər.