Azərbaycan millisinin Millətlər Liqasındakı rəqibləri müəyyənləşir

Bu gün futbol üzrə Azərbaycan milli komandasının UEFA Millətlər Liqasındakı rəqibləri müəyyənləşəcək.

Publika.az xəbər verir ki, yığma D Liqasında mübarizə aparacaq. Turnirdə 6 komandadan hər birində 3 iştirakçı olmaqla 2 qrup təşkil ediləcək. Ayxan Abbasovun baş məşqçisi olduğu yığma 1-ci səbətdə yer alıb.

D Liqasında iştirak edəcək iki yığma martda baş tutacaq pley-off oyunlarından sonra dəqiqləşəcək. Millilər bir-birinə qarşı ev və səfər prinsipi olmaqla 4 matça çıxacaqlar.

Belçikanın paytaxtı Brüsseldə keçiriləcək püşkatma mərasimi Bakı vaxtı ilə saat 21:00-da start götürəcək.

Qeyd edək ki, UEFA Millətlər Liqasında yeni mövsümə sentybarda start veriləcək. Turnirin final mərhələsi 2027-ci ilin iyununda baş tutacaq.

UEFA Millətlər Liqası, səbətlər
A Liqası
1-ci səbət: Portuqaliya, İspaniya, Fransa, Almaniya
2-ci səbət: İtaliya, Niderland, Danimarka, Xorvatiya
3-cü səbət: Serbiya, Belçika, İngiltərə, Norveç
4-cü səbət: Uels, Çexiya, Yunanıstan, Türkiyə

B Liqası
1-ci səbət: Şotlandiya, Macarıstan, Polşa, İsrail
2-ci səbət: İsveçrə, Bosniya və Herseqovina, Avstriya, Ukrayna
3-cü səbət: Sloveniya, Gürcüstan, İrlandiya, Rumıniya
4-cü səbət: İsveç, Şimali Makedoniya, Şimali İrlandiya, Kosovo

C Liqası
1-ci səbət: İslandiya, Albaniya, Monteneqro, Qazaxıstan
2-ci səbət: Finlandiya, Slovakiya, Bolqarıstan, Ermənistan
3-cü səbət: Belarus, Farer adaları, Kipr, Estoniya
4-cü səbət: Latviya/Cəbəllütariq cütünün qalibi, Lüksemburq/Malta cütünün qalibi, Moldova, San Marino

D Liqası
1-ci səbət: Azərbaycan, Litva, Latviya/Cəbəllütariq cütünün məğlubu, Lüksemburq/Malta cütünün məğlubu
2-ci səbət: Lixtenşteyn, Andorra

Heybət