Humanitar yardım Azərbaycan-İran sərhədinə çatdı - Yenilənib

Azərbaycandan İrana humanitar yardım aparan yük avtomobilləri Azərbaycan-İran sərhədinə çatıb.

Publika.az xəbər verir ki, avtomobillər burada müvafiq sərhəd-gömrük yoxlanışından keçdikdən sonra İran ərazisinə hərəkət edəcəklər.

Qeyd edək ki, bu, Azərbaycandan İrana göndərilən üçüncü humanitar yardımdır. Yardım karvanı 10 yük avtomobilindən ibarətdir və ümumi çəkisi 200 tona yaxındır. Göndərilən humanitar yük əsasən qida və ərzaq məhsullarından ibarətdir.

09:20

Azərbaycan Prezidenti İlham Əliyev və İran İslam Respublikasının Prezidenti Məsud Pezeşkian arasında baş tutmuş telefon danışıqlarına əsasən qonşu və dost İran xalqının hazırkı ehtiyaclarının təmin edilməsi məqsədilə bu gün İrana növbəti humanitar yardım yola salınır.

Publika.az xəbər verir ki, İrana göndərilən humanitar yardıma ümumi həcmi 200 ton olan müxtəlif adda ərzaq məhsulları, dərman vasitələri və tibbi ləvazimatlar daxildir.

Bunun 190 tonu ərzaq və qida məhsulları, 7 tonu dərman vasitələri, 3 tonu isə tibbi ləvazimatlardır.

Humanitar yardım 10 yük avtomobili vasitəsilə göndərilir.