İran Trampın “ən zəif nöqtəsinə” zərbə vurdu

İranın İslam Respublikası ABŞ prezidenti Donald Trampın ən həssas nöqtəsinə - Amerika iqtisadiyyatına zərbə vurub.

Publika.az xəbər verir ki, bu barədə "Strategic Culture Foundation" portalında dərc olunan məqalədə bildirilib.

Məqalə müəllifinin fikrincə, İranın neft bazarına təsir imkanlarından istifadə etməsi, eləcə də Hörmüz boğazından keçən gəmilərdən yüksək rüsum tələb etməsi və yüklərin yuanla alındığını təsdiqləmək şərti qoyması ABŞ iqtisadiyyatına ciddi təsir göstərə bilər. Bu isə ABŞ-da keçiriləcək aralıq seçkilər ərəfəsində Vaşinqton üçün həssas məsələ hesab olunur.

Yazıda qeyd olunur ki, Tehran təkcə neftə deyil, həm də dünya üzrə bir sıra xammal tədarükü marşrutlarına faktiki nəzarət edir. Helium, gübrə, ərzaq və kükürd turşusu kimi məhsulların daşınması böyük ölçüdə Hörmüz boğazından asılıdır və bu marşrutun üç həftədən çox bağlanması qlobal çatışmazlıq yarada bilər.

Məqalədə, həmçinin vurğulanır ki, İranın əlində belə iqtisadi rıçaqların olması və İsrail və ABŞ tərəfindən mümkün bombardmanlara cavab verməyə hazır olması fonunda Trampın münaqişədən çıxış yolu tapması çətin görünür. Müəllif qeyd edir ki, İsrail artıq “rejim dəyişikliyi” ümidindən imtina edərək ABŞ-dan Xark adasını nəzarətə götürməyi tələb edir.

Publika.az