Gey olduğunu etiraf edən Şumaxer evləndi - Toydan FOTOLAR

Keçmiş Formula 1 pilotu Ralf Şumaxer və sevgilisi Etyen Busket-Kassany rəsmi olaraq ər-arvad olublar.

Publika.az xəbər verir ki, dəbdəbəli toy mərasimi ötən şənbə günü Fransanın məşhur kurort şəhəri Sen-Tropedə baş tutub.

50 yaşlı Şumaxer 36 yaşlı Etyen Fransa mülklərinin yaxınlığında evləniblər. Ralfın evliliyi, problemli keçmişi səbəbindən medianın xüsusi diqqətini cəlb etdi. Alman sürücü, illərdir heteroseksual nikahda yaşayıb və cəmi 19 ay əvvəl gey olduğunu etiraf edib.

Ralf 2001-ci ildən bəri Kora Şumaxerlə evli idi. Onların evliliyi 13 il davam etmişdi və keçmiş cütlüyün Devid adlı yetkin bir oğlu var. Formula 1 pilotu kişilərlə münasibətini açıqladıqdan sonra keçmiş həyat yoldaşları arasında media müharibəsi başladı. Kora açıq şəkildə "ən yaxşı illərini Ralfa sərf etdiyini" elan etdi. Etiraz və qəzəb əlaməti olaraq, hətta gəlinlik paltarını da ictimaiyyət qarşısında yandırdı. Xatırladaq ki, Ralf Şumaxer əfsanəvi yeddiqat Formula 1 çempionu Mixael Şumaxerin kiçik qardaşıdır. Mixael 2013-cü ildə xizək kurortunda aldığı ağır baş zədəsindən sonra əlil arabasındadır və ailəsi tərəfindən ictimaiyyətdən tamamilə gizlədilir, bu da onun ictimai ailə şənliklərində iştirak etməsinə mane olur.

Publika.az