Ulduz futbolçu prezidentin qızının təklifinə məhəl qoymadı - VİDEO

2026-cı il dünya çempionatı Kolumbiya millisi üçün hələ başlamasa da, komandanın əsas ulduzu Xames Rodriqes artıq qalmaqalın mərkəzinə düşüb.

Publika.az xəbər verir ki, təcrübəli yarımmüdafiəçi mundiala yola düşən yığmanın təntənəli yolasalma mərasimindən sonra ölkə mətbuatında ən çox müzakirə olunan şəxslərdən birinə çevrilib. Buna səbəb ölkə prezidenti Qustavo Petronun qızı ilə bağlı baş verən hadisə olub.

Yerli jurnalistlər tərəfindən yayılan görüntülərdə Antonella Petronun futbolçuya birgə şəkil çəkdirmək üçün müraciət etdiyi iddia olunur. Lakin Rodriqes dayanmayaraq yoluna davam edib. Bundan sonra onun davranışı sosial şəbəkələrdə geniş müzakirələrə səbəb olub.

Hadisədən sonra kolumbiyalı sənədli film müəllifi və jurnalist Sezar Qarsiya Qarson məsələyə münasibət bildirib. Onun sözlərinə görə, Kolumbiya millisinin bəzi futbolçuları prezident Qustavo Petroya qarşı soyuq münasibət bəsləyirlər və komandanın müəyyən üzvləri dövlət başçısı ilə rəsmi görüşdə iştirak etməkdə maraqlı olmayıblar.

Jurnalistin fikrincə, bu hadisə şəxsi münasibətlərdən daha çox siyasi məna daşıya bilər. Bununla belə, Xames Rodriqes hadisə ilə bağlı hələlik heç bir rəsmi açıqlama verməyib.