İdman
Məşhur futbolçumuza atdılar – ev də yoxdur, 48 min manat da
Azərbaycanın məşhur futbolçusu, hazırda “Sumqayıt” klubunun rəhbərliyində təmsil olunan Ceyhun Sultanov mənzil fırıldaqçılığı ilə üzləşib.
Publika.az AzerFax-a istinadən xəbər verir ki, futbolçu 2008-ci ildə özünə mənzil almaq istəyib və bu məqsədlə “Şərurlu İsfəndiyar” kimi tanınan iş adamı İsfəndiyar Axundova məxsus yeni binalardan birini seçib. Talıblı küçəsi 4 ünvanında (Yeni Yasamal) yerləşən həmin bina tikilib hazır vəziyyətə gətirilsə də, C.Sultanov hələ də mənzilini ala bilməyib. Məlumata görə, futbolçu yeni mənzilə görə əvvəlcədən 48 min manat ödəyib. C.Sultanov ödədiyi vəsaiti də geri ala bilmir.
Aldadıldığını görən futbolçu məsələ ilə bağlı məhkəməyə də müraciət edib. İşə Yasamal rayon məhkəməsində baxılıb və C.Sultanov zərərçəkmiş şəxs kimi tanınaraq onun mənzil almaq məqsədilə 48 min manat ödədiyi təsdiq olunub. Məhkəmə futbolçunun xeyrinə müvafiq qərar çıxarsa da, problem bu günə qədər həllini tapmayıb.
İsfəndiyar Axundovun sahibi olduğu “Şərur” MTK-dan bildirilir ki, onlar Talıblı küçəsi 4 ünvanındakı binanın tikintisini “Olimpus” firmasına həvalə ediblər və C.Sultanov da vəsaiti məhz həmin firmaya ödəyib. Bu səbəbdən də “Şərurlu İsfəndiyar” futbolçunun iddiası ilə razılaşmır.
Qeyd edək ki, “Olimpus” firmasının rəhbəri Rauf adlı şəxs bir müddət əvvəl həbs olunub və orada da dünyasını dəyişib.
Faktı C.Sultanovun özü də təsdiqləyib.
Qeyd edək ki, Ceyhun Sultanov karyerası ərzində "Fərid" (Bakı), "Neftçi", "Dinamo" (Bakı), "Maşınsazi" (Təbriz, İran), "Bakı", "Xəzər Lənkəran", "Kəpəz", "Sumqayıt" və "Qəbələ" klublarında çıxış edib, milli komandada keçirdiyi 16 oyunda 1 qol vurub. O, 2006-cı ildə Azərbaycan çempionluğunu (Bakı), 2005 (Bakı) və 2008-ci illərdə (Xəzər Lənkəran) ölkə kubokunu, həmçinin "Birlik Kuboku"nu (2008, Xəzər Lənkəran) qazanıb.
-
Magazin203:43
Karla Bruni şübhəli şəxs qismində dindirildi
-
Magazin203:13
Məşhur aktisa bəbir naxışlı bikini ilə elə pozalar verdi ki... - VİDEO
-
MDB01:41
Qızılın ixrac rüsumu LƏĞV EDİLDİ - Bu ölkədə
-
Səhiyyə00:30
Xərçəng və ürək xəstəliklərindən qoruyan mutasiya KƏŞF EDİLDİ
-
Qoroskop00:05
Günün ULDUZ FALI: gününüz boz və maraqsız olacaq.
-
Səhiyyə2 May 21:48
Altı körpənin yanaraq ölməsində təqsirləndirilən xanıma yenidən VƏZİFƏ VERİLİR? - FOTO
-
Magazin22 May 21:00
Britni Spirs nəhayət ərindən BOŞANDI
-
Sosial2 May 20:36
Amin Musayev ilk dəfə əsir düşdüyü yerdə - VİDEO