“Instagram"da bir gündə 3 YENİLİK!

“Instagram”ın Hekayələr xüsusiyyəti gedərək inkişaf edir və çox vacib bir hala gəlir. İndiyə qədər sadəcə qısa video və şəkillər paylaşılan və üzərində yazı yazmaq, xətlər çəkmək kimi imkanlar təklif edən Instagram Hekayələri, artıq daha funksionaldır.

Boomerang:

Instagramın dünən blogunda elan etdiyi yeniliklerden ilki Boomerangdır. Artıq Stories əlavə edərkən aşağıda yerləşən Boomerang seçimi vasitəsilə gif-lər yaradıb paylaşa bilərsiniz. Ayrı bir tətbiq ilə Instagramda da bu cür paylaşımlar onsuzda edilirdi, lakin artıq əlavə bir tətbiqə ehtiyac duymadan Stories olaraq paylaşa bilərsiniz.

Mention:

Stories paylaşarkən birilərinə toxunmaq, onlara yönləndirmək həqiqətən ehtiyac halına gələn bir şeydir. Instagram da bunun fərqinə varmış olacaq ki artıq Stories paylaşarkən şəxsləri bir növ etiketləməyinizə imkan verir. Bununla da ən sadə misal ilə şəkilini paylaşdığınız insanın hesabını "@" ilə əlavə edib ona yönləndirə bilərsiniz.

Bu xüsusiyyət əlavə olaraq çox gözəl bir reklam modeli də ola bilər.

Link Əlavə Etmək:

Instagramın təkidlə şəkil paylaşımında məzmun hissəsində icazə vermədiyi daxil oluna bilən link mövzusu Stories ilə bir az zəifləmişə oxşayır. Hələ ki, çox məhdud bir kütləyə açılmış olsa da, ümid edirik ki, yaxında hər kəs Stories-ə daxil oluna bilən link əlavə edə biləcək. Beləliklə aşağıdakı şəkildə də olduğu kimi bir blog yazınıza və ya başqa bir şeyə yönləndirmə edə biləcəksiniz.

Stories bu xüsusiyyətlər vasitəsilə yüksəlişini davam etdirəcək. Instagramın real məzmun paylaşım sahəsində və like saylarında bir azalmaya səbəb olmuş olsa da, gələcəkdə Stories-ın önəmi artacaq kimi görünür. Bir sonrakı yenilik olaraq isə Stories-a daha uzun video məzmunları əlavə etmək imkanı yaratsalar daha da maraqlı olacaq.