• USD 1,7000 0,00% EUR 2,0095 +0,14%
    • GBP 2,3585 +0,33% RUB 0,0231 0,00%

Yeni kameralar gəlir - Sizi hər yerdə ÇƏKƏCƏK - FOTO/VİDEO

  • İKT
  • 29 Dekabr 2017 01:00
  • 2 487 Baxış
Yeni kameralar gəlir - Sizi hər yerdə ÇƏKƏCƏK

"Ubiquiti Labs" şirkəti müasir texnologiyalara cavab verən, hər an istənilən yerə daşıya biləcəyiniz “ağıllı” kamera hazırlayıb.

Publika.az xəbər verir ki, şirkət hazırladığı layihəyə daşına bilən "ağıllı” kamera ("FrontRow") adını verib. Kameranı digərlərindən fərqləndirən ilkin cəhət onun iki kameralı olmasıdır. Onlardan biri cihazın arxa tərəfində, digəri isə ön tərəfində yerləşdirilib. Kameralar sensorla təchiz edilib və ölçüləri müvafiq olaraq 8 və 5 meqapikseldir.

Cihazın ekranı 2 düymlü dairəvi maye-kristal sensorla təchiz olunub. Hər iki kameranın video çəkmə potensialı 1080p təsvir ölçüsündədir. Bundan başqa, çəkilən fayl birbaşa, rahatlıqla sosial şəbəkələrə köçürülə bilir. Bütün bunları özündə birləşdirən “ağıllı” kameranın ölçüsü isə ovucun yarısı boydadır.

"FrontRow" kamerasının rahat istifadə üçün boyundan asılması üçün nəzərdə tutulan kəməri də var. Bu kamera istifadəçilərinə müəyyən obyekt görən zaman operativ şəkildə şəkil və video çəkməyə imkan yaradır.

Cihazı avtomobilinizdə də istifadə edə bilərsiz. Hazırda "FrontRow" kamerası üçün ilkin sifarişlər qəbul olunur. “Ağıllı” kameranın pərakəndə satış qiyməti 399 dolladır. Cihazın kütləvi şəkildə tədarükü 2018-ci ilin avqust ayına planlaşdırılır.

Könül Cəfərli

Halal Nemət

Xəbər lenti

DAHA ÇOX XƏBƏR