İKT

“Google”da MÜHÜM DƏYİŞİKLİK

25 İyun 2020 13:44

Günümüzdə ən çox üstünlük verilən axtarış motoru olan “Google”da dəyişiklik var.

Publika.az xəbər verir ki, bundan sonra yeni istifadəçilərin həm veb monitorinqi, həm də məkan keçmişi 18 ay sonra silinəcək.

Gizlilik məsələsində bir sıra dəyişikliklərə gedən “Google” beləliklə, aparılan hər axtarışın tam qeydini saxlamayacaq.

Şirkətin Baş icraçı direktoru Sundar Pisai bildirib ki, yeniliklər “Gmail” və “Google Photos” kimi şəxsi məzmunu saxlamaq üçün hazırlanmış xidmətlərə tətbiq edilməyəcək. Əlavə olaraq, sadəcə yeni istifadəçilər bu özəllikdən faydalana biləcəklər: “Məhsullarımızı hazırlayanda 3 əsas faktora diqqət edirik: bilgiləri təhlükəsiz saxlamaq, onları məsuliyyətli şəkildə incələmək və nəzarəti istifadəçiyə vermək”.

Qeyd edək ki, “Google” istifadəçiləri daha əvvəl keçmişlərinin daimi şəkildə saxlanmasını istəməyəndə parametrləri bağlamaq məcburiyyətində qalırdılar.

Zümrüd