Ekopublika.az

"Bakcell" eSIM istifadəyə verdi – Azərbaycanda ilk - VİDEO

1 İyun 2022 11:37

"Bakcell" şirkətinin abunəçiləri Azərbaycanda ilk dəfə olaraq "eSIM" istifadə edəcəklər. Bununla da plastik SIM karta ehtiyac qalmayacaq.

Yeni nəsil SIM texnologiyası olan eSIM Bakcell abunəçilərinə mobil şəbəkəyə qoşulmanı və rabitə xidmətlərindən istifadəni xeyli sadələşdirən yeni imkanlar yaradır. eSIM vasitəsilə tək SIM kartlı smartfonlarda bir neçə nömrədən istifadə etmək mümkündür.

"Bakcell" virtual SIM kartını almaq və ya mövcud Bakcell nömrəsini virtual SIM karta keçirmək üçün “Bakcell”in rəsmi satış mərkəzlərindən birinə yaxınlaşıb nömrənin QR kodunu telefonla skan etmək lazımdır.

Smartfonunuzun eSIM texnologiyasını dəstəkləməsini yoxlamaq və xidmət barədə daha ətraflı məlumat almaq üçün https://www.bakcell.com/az/esim səhifəsinə keçin.

Bu, "Bakcell"in son bir ay ərzində tətbiq etdiyi ikinci nəhəng texnoloji yenilikdir. Bu yaxınlarda şirkət Azərbaycanda ilk dəfə "VoLTE" texnologiyası istifadəyə verib.