Ekopublika.az
Bayram gəldi, heç bilmirəm nə alım – Süfrəmizin qiyməti
Altı gündən sonra bayramdır və əksəriyyət bayram tədarükünə başlayıb.
Buna adekvat olaraq marketlər, bazarlar da bayram “hazırlıqlarını” bitiriblər. Söhbət ilin 11 ayı gözlədikləri fürsəti dəyərləndirib, qiymətlərə əl gəzdirilməsindən gedir. Belə ki, bayram süfrəsinin komponentinə daxil olan təamların hazırlanmasında istifadə edilən əksər xammal məhsullarının qiyməti bir həftə əvvəllə müqayisədə bahalaşdırılıb. Lakin sözümüz bunda deyil. Azərbaycanda yaşayış minimumunun (2014-cü il üçün) 125 manat, əmək qabiliyyətli əhali üçün 136 manat, pensiyaçılar üçün 103 manat, uşaqlar üçün 103 manat məbləğində müəyyən edildiyi ölkədə nə qədər paradoksal olsa da, bayram süfrəsi ən ucuz halda 125 manatdan baha başa gəlir. Necə? Hesablayaq.
Həmişə olduğu kimi, Yeni ili ev şəraitində keçirənlər də olacaq, restoranda qarşılayanlar da. Əvvəlcə restoranları götürək. Xidmət sektorunun bu seqmentində qiymətlər ötən illə müqayisədə bahalaşıb. Ortabab restoranda bayram günü 1 nəfərin xərci 150 manat təşkil edir. Bu, restoranın müəyyən standart menyunun qiymətidir. Əyləncə zamanı müştərinin əlavə arzu-istəklərinin dəyəri də əlavə hesablanır.
Ev şəraitində bayram keçirənlərə gəlincə, əhalinin təbəqələrə bölündüyünü nəzərə alaraq, bayram süfrəsini 3 qrupa ayırmaq olar - varlı, orta, kasıb bayram süfrələri. Düzdür, bizin ölkədə orta təbəqə, demək olar ki, yoxdur. Amma bayramda bu istisnanı nəzərə almayaq. Aylıq gəlirləri 1000-1500 manat arası olanlar üçün bayram süfrəsini 3 qrupa ayıraq.
İlk əvvəl başlayaq gəlirləri yüksək olanların, sadə dildə desək, varlıların bayram süfrəsindən. Maddi cəhətdən imkanlı təbəqənin təşkil etdiyi bu cür süfrələrdə, demək olar ki, quş südündən tutmuş can dərmanına kimi nə desən tapmaq olar. Hətta bir çoxumuzun adını belə bilmədiyimiz bahalı ərzaq məhsulları, balıqlar, qaban, ceyran əti, kürü, xüsusi hazırlanmış şirniyyatlar, çoxillik bahalı şərablar, növbənöv delikates yeməklər də bura daxildir. Belə bahalı bayram süfrəsi ən aşağısı 1500-2000 manat xərc tələb edir.
Orta təbəqənin bayram süfrəsinə gəldikdə, bu süfrələrdə bayram günü ən azı 3 növdə yemək, 2 növ salat, 3-4 növ şirniyyat və tort, meyvə, müxtəlif çeşidli çərəzlər, 2-3 növ içki olur. Belə süfrə ailəyə 350-400 manata başa gəlir.
4 nəfərlik az büdcəyə malik Azərbaycan ailəsinin bayram süfrəsinə gəlincə, buraya plov, dolma, salat, desert kimi tort və meyvə daxildir. Adi hesablamalara görə, bu süfrə Azərbaycan alıcısına 150-160 manata başa gəlir. Təamların hazırlanmasında istifadə edilən məhsulların bazar qiymətlərinə nəzər yetirək:
Plov
Yüksək keyfiyyətli düyü – 1 kq - 2,2 manat
Kərə yağı – 7,7 manat
Qaysı – 8-10 manat
Kişmiş – 4-10 manat
Şabalıd – 7 manat
Gavalı – 6 manat
Soğan – 1 manat
Quzu əti – 9 manat
Təkcə 4 nəfərlik posiya üçün bayram plovu 26-27 manata başa gəlir.
Salat
Vətəndaşlarımızın mütləq əksəriyyəti “paytaxt” salatına üstünlük verdiyindən, onun maya dəyərini hesablayaq:
5 ədəd yumurta – hər biri 12 qəpikdən
Kartof – 1 manat/kq
Kök – 1,6 manat/kq
Yaşıl noxud- 1 manat
Mayonez – 700 qr 2,7 manat
Yenə də ən bəsit hesablamalarla 4 porsiya “paytaxt ” salatı 7 manata başa gəlir.
Dolma
1 kq qoyun əti – 8 manat
Yarpaq – 2 manat
Yeməyin hazırlanmasında lazım olan digər komponentləri də əlavə etsək 4 nəfərə çatacaq dolmanı 16 manata hazırlamaq olaq.
Tort
Götürək “ballı tortu”. Ev şəraitində bu şirniyyatı 15 manata hazırlamaq mümkündür. Əgər şirniyyat mağazalarından alınarsa, 4 nəfərlik porsiya üçün ən azı 20 manat ödəyəcəksiniz.
Meyvə
Alma – 1 manatdan başlayaraq 3 manata qədər
Naringi –1,5 manat
Heyva – 1 manat
Üzüm – 2-3 manat
Xurma – 1 manat
Portağal – 1,5 manat
Armud – 2-3 manat
Nar - 2- 6 manat arasında dəyişir
Banan – 2,2 manat
Kivi – 1 ədəd 0,3 manat
Çiyələk – 6 manat
Ananas - 4 manat
Tərəvəzlər:
Xiyar – 1-2 manat
Pomidor – 1,6 – 3 manat
Göyərti dəstəsi – 0,2 manat
Çərəzlər:
Qoz – 10-12 manat
Fındıq – 10 manat
Badam –12 manat
Qaysı – 8-10 manat
Kişmiş – 4-10 manat
Qısası, ölkədə 1 günlük bayram süfrəsinin dəyəri aylıq minimum istehlak səbətinin rəsmi dəyərindən yuxarıdır.
İqtisadiyyat şöbəsi
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO
-
Nida Xəbər 13:32
İlham Əliyev Almaniyada mühüm tədbirdə çıxış etdi - Yeniləndi
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı
-
Sosial12:58
Sabah 32 dərəcə isti olacaq
-
Nida Xəbər 12:16
XİN Avropa Parlamentinə cavab verdi
-
Nida Xəbər 10:29
Qriqoryan İrana hesabat verdi: Delimitasiya ilə bağlı