Köşə
Özünü pis aparan donuz balaları
Leyla Sarabi
- Nağıl istəmirəm bu gecə. Allahı izah elə mənə.
- Toxunduğun, gördüyün hər şeydir, hər kəsdir Allah. Üzünü turşudub əlinlə itələdiyin xörəyin bir tikəsini bölüşən mədəsi büzüşmüşlərdir Allah. Sən yedikcə doyduğum süfrədir Allah.
3 il əvvəl səni parkda itirmişdim. Dəli kimi dünyanı ələyib balaca canını milyardların içərisindən qumdan qızıl kimi tapıb çıxarmaq istədiyim o anda ürəyim durmuşdu. Zamanı, məkanı iliyinə doldurub səni mənə gətirən tanımadığım zənci qadın idi Allah.
Gələcəyini bəzəməkçün səndən ayrı keçən yorğunluğum, gülüşün üzündən sürüşməsin deyə arzularımı uyutduğum susqun vulkandır Allah. Hər ayrılığımızda səni içimə basdırdığım bədənimdir Allah.
Anasız körpə kenqurunu övladlığa götürən tanımadığın o rəssam qadındır Allah. Caynağımla basıb öldürmək istəyəndə əzizləməyə başladığın süfrədə gəzişən mikro qarışqaya məndən analıq etməyimi istəmişdin. Az qalsın qan qoxan əlimi geri çəkə-çəkə razılaşmışdım. Sən yetimliyi yad boşqabdan dadma deyə, səfil küçə heyvanlarına etdiyim analıqdır Allah.
Allah azan deyil, oğlum. İçindəki vicdanının pıçıltısıdır. İlahi eşq görmədiyin mifə xatir bağışlantıya çevrilən nəzir qutusu qəlibində soyuq qütb deyil. Nəfəsindən qopub qara daşı göyərdən bucaqsız enerjidir. Sən o enerjinin hüdudsuzluğuna inananda özün Allah olursan. Həyata mikroskopla baxsan, görəsəksən. Allah 99 ada sığacaq qədər kövrək körpə deyil. Hələ danışılmayan bütün dillər, gələcəyin küləklərində əsən çağırışlar, həllini tapa bilmədiyimiz tənliyin məchulu, savabsız, cavabsız sevgilər, ayazın episentrində oturan bomja qısılıb onu şaxtadan qoruyan küçə itidir Allah.
Hər gün çəkib həzz aldığın rəsmlər, saatlarla ovcundan silib təmizləyə bilmədiyim rəngli boyalardır Allah. Mənim ən böyük ağrım da, eşqim də sənsən. Sənsən Allah, oğlum.
- Müəllimimiz belə demir axı, anacan. Deyir, Allah göydə olur. Oradan bizə baxır. Özümüzü pis aparsaq, bizi donuz balasına çevirəcək.
-
Magazin115:18
Həbsxanada evlənən müğənni: “Heç kimin bacarmadığını etmişəm”
-
Nida Xəbər 14:34
Moskva İrəvandan tələb etdi: Brüsseldə hazırlanmış plana reaksiya gözləyirik
-
İdman13:46
"Real"ın ÇL-dəki qəhrəmanı bu gözəllə eşq yaşayır - FOTOLAR
-
Avropa13:16
Fransanın ikiüzlülüyü: Avropada Rusiya qazının ən böyük alıcısı oldu
-
Region12:41
Özünün dənizə çıxışı yoxdur, başqalarını şirnikləndirir: İrəvan Ər-Riyadda nə təklif edib?
-
Hadisə12:15
Məktəbin həyətində faciəvi şəkildə ölən 14 yaşlı Fərhanın FOTOSU
-
Nida Xəbər 11:43
Prezidentin yüksək vəzifəyə təyin etdiyi Anar Axundov kimdir? - DOSYE
-
Sosial11:12
Aytən Səfərovanın son vəziyyəti AÇIQLANDI