“Çimnazın yatağı”nda nələr baş verir? - VİDEO

Video əlavə olunub.

xxx

Ötən gün Yutub kanallarından birində “Çimnazla yataqda” adlı veriliş yayımlanıb. Qeyri-adi konsepti və maraqlı sualları ilə tamaşaçıların diqqətini çəkən proqramın aparıcısı tanınmış aktrisa Çimnaz Sulatonava bu dəfə də tamaşaçıları təəccübləndirməyi bacarıb. Verilişin ilk qonağı tanınmış aktyor Fərda Aminin maraqlı açıqlamaları olub. Belə ki, aktyor bu verilişdən toplayacağı tamaşaçıları öz konsertinə cəlb edəcəyini bildirib.

Böyük marağa səbəb olan verilişin qəhrəmanı, aktrisa Çimnaz Sultanova gəzən söz-söhbətlər və layihə barədə təəssüratlarını Publika.az-la bölüşüb.

Aktrisa bildirib ki, anonslar fərqli olsa da, verilişdə normal suallar və diskusiya olub: “Proqram səs-küyə səbəb olub. Hara gedirəmsə, orada bizim verilişdən danışırlar. Bu qədər maraq gözləmirdim. 3 ildir ki, mənə belə bir layihə təklif edilmişdi, ancaq risk etmək istəmirdim. Nəhayət razılaşdım”.

Ç.Sultanova vurğulayıb ki, çalışdığı hər işdən zövq almaq onun əsas prinsipidir: “Gördüyüm işdən pozitiv aura, zövq almalıyam. Dünən Tolikin ad günündə olmuşam. O, məni o qədər təriflədi ki, xoşuma gəldi. Çox səmimi insandır və bilirəm ki, fikirlərində də səmimi idi. Dünənki yığıncaqda da gördüm ki, proqram həqiqətən çox böyük marağa səbəb olub”.