Magazin1

Aybəniz Haşımovadan müjdə: "Böyük günə az qaldı"

14 Oktyabr 2022 20:46

O böyük günə az qaldı. Allahın izni ilə o böyük günə hazırlaşıb, əlimdən gələn nə varsa ustadım üçün hamısını edəcəyəm. Bəlkə də bu son edəcəyimdir... Nə bilim... Həyatın özü də insanları kimi nankor, vəfasızdır. Şövkət Ələkbərova həmişə məni qoruyurdu, çox sevirdi və inanırdı. İnam gözəldir, kaş ki, inam işığı heç kəsin qəlbindən qəlbindən sönməsəydi.

Publika.az xəbər verir ki, bu sözləri Əməkdar artist Aybəniz Haşımova instaqramda yazıb.

Müğənni SSR Xalq artisti Şövkət Ələkbərova üçün xatirə gecəsi keçirməyə hazırlaşdığını qeyd edib və onun həyatındakı rolunu yada salıb:

"Necə ki, onun qəlbində bir gün belə "mən" adlı işığın sönməsinə imkan vermədim. O, dünyadan getdi, ancaq ruhunun da qarşısında onun inam işığına nadürüst olmadım. Onu özünə dediyim kimi, çox sevdim, ömrümün sonunadək. Şövkət xanım bu sevgini özü qazanmışdı: ləyaqəti, sədaqəti, böyük məhəbbəti və sənətiylə".