"İnsanların beynini bulandırmayın, 13 yaşımda..." - GÜNEL

Hər nə etsəm, bunu açıq-aşkar deyəcək ürəyə sahibəm! Bakıda burun əməliyyatı etdirdiyimi hər dəfə deyirəm, qısqanclıq etməyin, gedin, siz də etdirin. Dodaq dolğusunu hər baxımlı qadın kimi mən də etdirirəm və bunu da deyirəm. Mahnı ifa edərkən alnımda qırışlar olmasın deyə 6 aydan bir botoksumu yeniləyirəm.

Publika.az xəbər verir ki, bu sözləri "azəriqızı" ləqəbli müğənni Günel Zeynalova sosial mediada yazıb. Xarici görünüşünün müzakirə olunmasından yorulduğunu deyən ifaçı Türkiyə mətbuatında yayımlanan arxiv fotolarının yayımlanması ilə bağlı açıqlama verib.

"Xırda toxunuşlar var” dediyim açıqlamanı 3 il öncə etmişəm. Hər xəbərin başlığına bunu yazıb, sanki yeni söyləmişəm kimi göstərərək xəbər hazırlaya bilməzsiniz. Allah qorxunuz yoxdur? Başqa xəbər qaynağınız yoxdur? Heyif sizə… İnsanların beynini bulandırmayın. 13 yaşımdakı şəklimi paylaşıb indiki halımla müqayisə etmək necə bir axmaqlıqdır?! Siz 13, 15 yaşınızdakı halınızla qalmısız? Xəbəriniz köhnəlib, yenisini hazırlayın… Qeybəti xəbər etmək olmaz! İndi gedin başımdan...”, - sənətçi paylaşımında üsyan edib.