"Əxlaqsızlar efirdə əxlaqdan dərs keçir" - Video

"Bir müğənni var ki, bütün Azərbaycana pul borcludur. Hələ mən Azərbaycandan kənar borclarını demirəm... Axı bu "risofkarlıq" nəyə lazımdır?"

Publika.az bizim.media-ya istinadən xəbər verir ki, bu sözləri müğənni Nazənin Salayeva qonaq olduğu "Tarixin bir günü" verilişində deyib.

Sənətçi televiziyada yayımlanan verilişləri, onların aparıcılarını və proqramlara dəvət alan bəzi dırnaqarası məşhurları sərt şəkildə tənqid edib.

"Mənəviyyatsız, şərəfsiz, əxlaqsız, vicdansız insanları aparıcılar öz verilişlərinə çağırırlar ki, təki reytinqləri olsun. Onlar efirə çıxıb insanlara əxlaqdan dərs deyirlər. Əxlaqsız efirə çıxıb insanlara əxlaqdan dəsr deyir.

Namussuzlar efirə çıxış namusluqdan insanlara dərs deyirlər. Olmaz belə... Televiziya məkanı ədəb-ərkan məkanıdır. Əvvəllər televiziyaya sehirli bir qutu kimi baxırdılar. İnsanlar televiziyaya baxıb maariflənirdrlər. Televiziyaya baxırdılar ki, özləri üçün nəsə gözəl və yaxşı şeylər götürsünlər. İndi isə deyirlər ki, televizorunuzu söndürün, baxmayın televiziyaya", - deyə Nazənin vurğulayıb.