Magazin1

Xumar Qədimova: “O insanlara ürəyim ağrıyır” - VİDEO

21 May 2024 10:43

“İnsanlarda fərdi sevgi və münasibət azalıb. Yaxınlaşıb deyirlər ki, Xumar xanım, sizin üçün “ölürəm”. Doğrudan da inanırsan ki, bu şəxs sənin sənətin üçün “ölür”. Nəğmələrini bir-birinin ardınca oxuyur və hətta sevincdən gözündən yaş da gəlir. Bir də baxıb görürsən ki, həmin sözləri başqası üçün deyir. Axı, bu nə sevgidir belə?”

Publika.az "Bizim.Media"ya istinadən xəbər verir ki, bu sözləri Əməkdar artist Xumar Qədimova “MTV Azərbaycan” verilişinə müsahibəsində deyib.

Sənətçi bildirib ki, onun arxasınca danışan insanlara pis olur:

“İndi hamı hamını sevir. Bu gün sənin, sabah isə başqasının və ya digərinin yanındadır. Buna görə də mənim yanımda heç kəs yoxdur. Yanımda yalnız say-seçmə insanlar var. Çünki mən belə şeyləri qəbul edə bilmirəm. Mənə dediyi o xoş sözləri gedib başqasına deyir. O insanlara ürəyim də ağrıyır. Arada mən ağlayıram. Bax, bu cür insanların halına ağlayıram”.